كتبت حاجتين بالعامية بمناسبة العيد يارب مايكونوش تقال
كل سنة وانتوا طيبين وبخير دايما
وعيد سعيد
(1)
ماتقولوا ماء
ما تقولوا ماء
ما الفرق تقريبا صغير مش كبير
وكمان سنة
هتقولوا ماء
من الصغير للكبير
لو كان قصير او طويل
او حتى كان مالهوش مثيل
الصوت هيبقى عالي يشبه للنعير
ماتقولوا ماء
او ماتقولوش
هي الضحية جاية جاية
ماتقلقوش
مش شرط تبقى في العيد عيدية
ولا حتى تبقى ليتها ليَّة
هي كده ..
ماتسألوش
وبكرة يجيي الدور عليك
انت وهي
ماتزعلوش
هتقولوا ماء
(2)
عيد سعيد
بيقولوا عيد سعيد
وزحمة عارفها
ولحمة شايفها
وكمان عيدية ولبس جديد
وهو فين اصلا سعيد ؟؟
سعيد يا عيد ؟؟
ولا ده عيد يومه سعيد ؟؟
طب هو فين اصلا سعيد ؟؟
سعيد ده كان عيده ده عيد
مايتوصفش ولا يتحكيش
وفرحته ابدا في يوم
ماتتنسيش
ده كان في يوم العيد سعيد مايرتضيش
غير عيد سعيد
دلوقتي العيد من غير سعيد مابيبتديش
وينادي يسأل
هو فين أصلا سعيد ؟؟
نقول خلاص انسى يا عيد
يقول " سعيد غيره ماليش "
ومن غير سعيد
عمري ما هبقى عيد سعيد
Atom Feed (xml)
15 comments:
انا برضه مش حاسه بالعيد
ولا بالسعاده
:)
فعلا
هو فين اصلا سعيد ...؟؟
سعيد زهق مننا ومشي
تقريبا راح لناس تانيين :D
كل سنة وانت طيب :)
همسات دافئه
ربنا يجعل كل أيامك اعياد بجد وسعادة
وتخرجي بسرعة من الحالة اللي بتمري بيها
تحياتي
وكل سنة وانتي طيبة
كفايـة طيبـة
هو فعلا مشي
بس انا كده حاسس بالذنب
انا كده نكدت على الناس من اول يوم العيد
كل سنة وانتي طيبة وبخير دايما
تحياتي
سعيده بمروري هنا
كما سعدت بمرورك
وبرغم كل شيء
هقولك برده عيد سعيد :)
DoNyA
اسعدني مرورك
وكل عام وانتي طيبة
اقصوصه
كل عام وانتي طيبة وبخير دايما
تحياتي
السلام عليكم
عيد سعيد يا اجمل واحد في الدنيا
احب اشكرك لزيارتك الي مدونتي و والله نور
** تيتو الحبيب **
انا اللي بشكرك لمرورك المتكرر
منورني دايما والله
وكل سنة وانت طيب
شعور مليان افتقاد للتعليق فى مدونتك اخى العزيز
كل سنه وانت دائما طيب وسعيد ومحقق كل ماتحلم بيه
على فكره ...انا كمان مش كنت سعيده فى العيد ومش حسيت بيه لاحداث ومشاكل فى حياتى
لحد الان لم نحدد يوم للتجمع اول ماحنتربها حبلغك على طول وباذن الله قريب
تحياتىىىىىىى
كلنا بنمائماء
بس كل واحد فى داخل نفسه نفسه يماماء بصوت عالى بس الخوف ماليه
تحياتى
يا صديقى كلنا معيز
نبضات
كل سنة وانتي بخير دايما
والسنة اللي جاية تكون احسن عليكي وعلى كل الناس
نورتي المدونة بجد
§a§a
اه يا عم مأمأ براحتك ما العيد خلص خلاص
:))
هو فين اصلا سعيد ؟!!!
هو مشي فعلاً بس اكيد هايكون في مكان احسن من اللي احنا موجودين فيه ,,,, صح ولا... ؟؟؟؟
Post a Comment