يا حبيبتي ليه بتزعلي ؟؟!!
دانا كل أملي للحقيقة توصلي
انا عارف إنك ماحصلتيش
قبل كده
ولا مرة تانية هتحصلي
لكن الحقيقة كده وكده
بطيخة خضرا بنشتريها
وغيرنا حمرا بيلاقيها
ماتفكريش ولا تسألي
بالعكس حاولي تعَقَّلي
كل اللي مش فاهم كده
إن الحقيقة مش كده
لكن كده
غيرنا يشوفها
واحنا غيره بنشوفها
وياريته يفهم كده وكده
وانتي
من تاني لسه بتسألي
ولسه عايزة تكملي
بُعدك ومني بتزعلي
وماتعرفيش
ان الحقيقة كده وكده
حزن وسعادة
طيبة وجمود
عدم ووجود
نقص وزيادة
فعينيكي سادة وفعيوني عادة
مرة لذاذة ومرة مزازة
دنيتنا كورة مدورة
بطيخة خضرا محجرة
وبرده حمرا مسكرة
حاولي بجد تصدقي
وحياه جديدة تبدأي
تتأملي
هتكملي
وهتعرفي
وهتوصلي وتوصَّلي
إن الحقيقة كده وكده
Atom Feed (xml)
13 comments:
الحياة مش بطيخة.. لكنها حياة غريبة ومحدش عارف بكرة مخبيله ايه
مش مهم تبقي البطيخة محجرة
المهم تبقي مسكرة
ومفيش حد بيطلع نصيبه بطيخة وحشة فى كل حاجة
اكيد هيبقي فيها حتة حلوة ولو الحتة دي نونو اوى
وحتى لو طلعتله وحشة مش هيقدر يرميها هو مجبر انه ياكلها يا اما هيموت من الجوع
تشبيهاتك جميلة :)
صديقى الغالى:)
ازيك؟
افتقدت التعليق عندك كما افتقدت اشياء كثيره قيمه كانت فى حياتى
مش هاكدب عليك مقترش البوست ومش قادره انا يادوب سارقه 10 دقايق من اليوم اعمل فيه حاجه بحبها
آخر حاجه قرتها كانت البحر ومن كتر ما انا حاساها بتقرانى خفت أعلق
انا ممكن افتح فضفضه عندك مسكتش وانت مجرب
بس يالا هانسحب بقى
يارب تكون كويس وبخير ربنا يوفقك يارب
ادعيلى
شيماء
barbie girl
انا كل قصدي
ان اي حاجة ممكن تكون غلط وصح في نفس الوقت
او ممكن تتفهم بمعنيين
المشكلة مش فيها
لكن المشكلة في اللي بيشوفها
شايفها ازاي او حاسسها ازاي
نورتي المدونة
تحياتي
كفايـة طيبـة
اذا كانت تشبيهاتي جميلة
فانتي تحليلك اجمل بكتير قوي
وماليش تعقيب على اي كلمة فيه
نورتيني
تحياتي
همسات دافئه
انا اللي افتقدت تعليقك فعلا
اتمنى انك تكوني بخير دايما
ويهمني اتطمن عليكي عن انك تقرأي البوست
الله يكون في عونك ويوفقك
لو عايزة تفضفضي اكيد براحتك
المدونة بتاعتك وانتي عارفة
ربنا يوفقك وتكوني دايما طيبة وبخير
وتطمنينا عليكي
تحياتي
انت تسال والكمبيوتر يجيب
مممممممممممممم
طيب
جميلة جدا
بحب الاسلوب ده اوى
بس كدة البطيخة حتزعل ههههه
تحياتى و انحنائى
كل سنة و انت طيب
جميل اووووي
و كلمات قويه و رائعه و الاستايل جامد جدا
و اتنمي لك المزيد من التفوق و السعاده
ارجوا تقبل مروري
و كل عام و انت بخير
كل سنة وانت طيب وفين جديدك؟؟؟؟؟؟؟؟
عازفة الأوتار
انا كمان بحبه وبقدره قوي
تحياتي ليكي
وكل سنة وانتي دايما طيبة وبخير
تيتو الحبيب
رنا يخليكي وشكرا على كلماتك الجميلة دي قوي
اسعدني مرورك
كل سنة وانت طيب
تحياتي
زى الهوا
كل سنة وانتي دايما طيبة وبخير
الجديد قريب ان شاء الله
تحياتي
Post a Comment