نفسي أخرج من إزازة حبي ليكي
نفسي قلبي يقوى لما يشوف عينيكي
نفسي أبعد
نفسي أنسى
نفسي ابطل أشتريكي
نفسي أعرف ابتسم
والفرحة جوة عيني مرة تترسم
نفسي الدنيا ماتقاسيش معايا
نفسي الدمع وحده مايواسيش هوايا
نفسي أكسرها الإزازة
نفسي ادوق حاجة غير طعم المزازة
نفسي احس بلهفة مرة وخوف عليا
نفسي بس عارف مش بإيدك
ولا مرة كان عمره بإيديا
حتى الإزازة
كان نفسي أكسرها لكن
مش بإيدي
عمري كله كنت عايشه فيها ساكن
ساكن في نار مابتنتهيش
وحلم نفسي يبتدي مابيبتديش
نفسي ونفسي ونفسي ونفسي
نفسي اكسرها الإزازة لكن غصب عني
الحنين لعنيكي جواها سجنّي
لهفتي والخوف عليكي فيها قتلني
وانتهى وياكي عمري
واتكتب في الحب قدري
وانتهت كل الحكاية
واتقسم تبقى النهاية
ألقى في الإزازة قبري
Atom Feed (xml)
12 comments:
ايه ياعم مالك بس
الازازة دى انت اللى حبست نفسك فيها للاسف
الدنيا بتمشى بس مش بتقف الا على الغالى اللى مش يبيع
بس جامدة حكايه الازازة دى ياض يا على
تحياتى وواحشنى والله جداااااااااا
بجد حلوة جدا
عسل مووووووووووت اسلوبك فيها
وليه بس عايز تكسر الازازة
بايدك وايدها تبقى جوا الازازة جنة
عيشو فيها سوا هيجيلكم ضيف تنفس ان شاء الله
بجد حلوة جدا
تحياتى
مش عارفة اقول ايه
انا مندهشة
افكارك واسلوبك جديد وفى نفس الوقت جميل
كانك بتضحك على المك
احنا اللى بنسجن نفسنا بارادتنا وممكن نخرج لكن احنا حابين السجن
على فكرة مش فاهمة تعلقك عندى
تحياتى
ههههههه
اول مره اسمع عن ازازه الحب دى
بس فعلا تصور ان كل حب ولازم يبقى فيه ازازه
بس انت اللى دخلت نفسك فيها
ولو خرجت الحياه مش هيبقى ليها طعم
خلى بالك
§a§a
ياض يا علي !!!!!!!!!!!!!
يا نهار احمر واخضر واصفر
والله انت واحشني اكتر يا جميل
تحياتي وشكرا للمرور
gogo we bas
ههههههههههههههه
حلو موضوع ضيق تنفس ده
بس وعلى ايه يعني
انا بس الاقي حد يفتحلي الازازة ويخرجني منها
وتبقى احلامه أوامر ان شاء الله
:)
تحياتي
منورة دايما
ايمان العرفاوي
ربنا يخليكي وميسري على كلامك الرائع ده
بس في حاجات كتير بتبقى مش بايدنا حبسنا جواها
الاحساس وحب الناس عمره ما كان باختيارنا
اما عن تعليقي عندك فده يعتبر نوع من انواع الحقد يعني
او الحسد
او ممكن يبقى قر
:)))
بس بهزار طبعا
تحياتي وشكرا لمرورك
حسام وريمان فى هاكونا مطاطا
جميل قوي الاعتراف بإزازية الحب
بس علشان اخرج من ازازة
لازم ادخل في ازازة تانية
واكيد هلاقي ازازة على مقاسي في يوم من الايام
وهيبقى للحياة اجمل طعم فيها
تحياتي وشكرا للمرور
يارب تلاقي الازازة المناسبة ليك
وتبقي سعيد وانت جواها
ماتبقاش مخنوق وعايز تخرج منها
الصورة تحفة بجد :)
لازم تكسر الازازة
انشالله ترمي نفسك من البلكونة
:)
مع انها حزينة
بس فيها شوية خفة دم على خفيف كده
:)
كفايـة طيبـة
يااااااااااارب
عارفة
لو حتى برطمان انا موافق
:))
شكرا لمرورك
منورة المدونة
تحياتي
أحمد سلامــة
عايز حد يفتحهالي من برة
:))
عامة انا بحب اكتب بلاسلوب ده شوية
موضوع جاد بس بطريقة فيها نوع من السخرية او الهزار
بس في ناس كتير مش بيعجبها كده
تحياتي ومنورني دايما
Post a Comment