تااااااااااااج

تاج

أكيد صورة التاج دي مش ماشية معايا بس هي عاجبتني

التاج

مررتهولي الرقيقة نبضات

و للأسف مش هقدر اقولها لأ

س : أذكر 10 اشياء عن شخصيتك ؟؟

أولا :- مش بعرف اتكلم عن نفسي خالص ولا بحب كده ودي اول حاجة هتخللي التاج يبوظ مني وكمان مش بعرف اجاوب علي تاجات ودمي بيبقي تقيل قوي

:)

ثانيا :- محامي حر وبعشق مهنتي ومش بلاقيني في أي حاجة تانية غيرها

اه ....خريج جامعة القاهرة ...ولا فخر

:)

ثالثا :- بعشق حليم ونزار وكنت اتمني اكون حاضر حفلة قارئة الفنجان

وبالذات الأغنية دي لأني بلاقيني فيها

سواء كلمات نزار او احساس حليم

:(

رابعا :- بحترم النساء وبشوف ان الأنثى هي كل المجتمع

بس ان كانت انثى

ووجودها حاجة مهمة جدا وضرورية في حياتي

خامساً :- بعتذر عن أي خطأ أو مش خطأ بس لو هيحافظ على علاقتي بحد بشوف انه مش مشكلة اني اعتذر حتى لو مش غلطان

وشايف ان ده عيب كبير قوي فيا لأني كتير بتنازل عن حقوق علشان ناس بكتشف في الأخر انها ما تستاهلش التضحية دي

سادساً :- رغم ان ناس كتير ممكن تختلف معايا بس بشوف ان الكدب حاجة مهمة قوي في حياتنا وان من غيره هيبقي في قلق جامد قوي

ومش بحب افرق بين انواعه ..يعني هو كله كدب

لا أبيض بقي ولا اسود

سابعاً :- بشوف ان الخوف والبرد وجهان لعملة واحدة

وبشوفني في شتاء دائم

اه....وبحب فيلم السلم والتعبان طحن وبعشق احمد حلمي

ثامناً :- بكره الندالة وبخاف من الفراق وبتخنق من الزحمة وبحب السفر

بس جوة مصر و بحب مصر بس هي مش بتحبني

ومش بحب القاهرة علشان زحمة قوي ..بس بعشق اسكندرية وبحب الاسماعيلية وتقريباً معظم محافظات مصر تحفة

مع اني اصلا اصلا من القاهرة

تاسعاً :- دايما بستني الموت وشايف ان هو حل عبقري لكل مشاكلي خاصة بعد ما ثروتي كلها ضاعت

:)

عاشراً :-بحب اغني قوي وكان عندي حلم قديم اني اغني اغنية انكسر جوانا شئ بتاعة علي الحجار
علي مسرح كبير ولكن الحلم اندثر في زحام القاهرة

:(

نبضات عايزاني امرر التاج ل 5 مدونين وأقول سبب اختياري ليهم ومايكنش حد فيهم جاوب علي التاج قبل كده

بس انا همرر وانا مش عارف هم جاوبوه قبل كده ولا لا

1- همســـــــــــــــــــــات

2- رئيسة حزب الأحلام

3- كـــــراسة القـلــــــــب

4- I`m Your Mind

5- حاجة صغنونة..من غير فذلكة

وأكيد السبب : رخامة