زي أمي بحبك كده ماعرفش ليه
لو مهما عني تبعدي ولو يحصل ايه
اصل انتي جوة قلبي ساكنة وكل اللي ليه
بحبك انتي وحبها عايش عليه
****
زيك كده بتحسني فكل الحالات
لما دموعي تزيد ولما اضحك ساعات
واما في حضني أضمها بنسي اللي فات
وفجرحي بسمع قلبها بيقول آهات
****
دايما بعيش معاكي طفولتي زيها
وفعينيكي بشوف حنين ولما ببعد عنها
والخوف معاكي بيتنسي والدنيا كلها
ولمين انا هشتاق غير قلبك انتي وقلبها
ما انتوا سر حكاياتي ونور عينيا وضيها
Atom Feed (xml)
15 comments:
أيه يا عم دا كله
اغانى دا انت طلعت ولا نزار قبانى فى ايامه
طيب ادينى بقى الاغنيه اسمعها لخالد عجاج عشان يغنيها فى عيد الام
والله جميله جدا يا على
وبنشكر مامتك وبنشكر كمان اللى ذى مامتك اللى خليتنا نشوف الحاجات الجميله دى
تحياتى
اية الروعة دى يا جميل والله انت فنان بجد بس مين دى اللى زى امك بس بجد برافو
الست دي امي شقيانا طول عمرها
ماشلتش غير همي وانا اخر صبرها
( كانت اخرتة وحشة اوي )
وست الحبايب يا حبيبة
دة بوست عيد الام دة ولا ايه ؟
والله فيك الخير
كل سنه ومامتك طيبه وكل الامهات طيبه وايضا كل الناس الجميله المقصوده فى القصيده طيبه ايضا
الامومه من اجمل المعانى فى حياتنا لانها كلمه بسيطه ولكن لها معانى رائعه
والاجمل ...ان يجد الانسان انسانه يشعر معها انها زى مامته مثلما يقول على الحجار فى اغنيته الرائعه مش عارف ليه متونس بيكى وكانك من دمى على راحتى معاكى وكانك امى
تحياتى
جميل جدا , الاسلوب جميل , كل سنة ومامة حضرتك طيبة , والانسانة التانية طيبة , بس كنت مدحت اكتر فى الوالدة هههه , ربنا يخليهوملك ويحفظهم
حلوه بجد بسم الله ما شاء الله عليك واختيارك للخط عجبنى قوى
§a§a
بلاش انا يا صاصا
انت عارف
هحبسك
:))
eman espanish
ربنا يخليكي يارب
وبلاش بقي كل شوية مين دي مين دي
خليها بيني وبينك يعني
:))
marwa
شامم ريحة تريقة
بس عامة مش هكلمك دلوقتي
كله بحسابه
:))
نبضات
انا علي فكرة ماكنتش في بالي اغنية علي الحجار وانا بكتب دي والله
حتي اول مرة اخد بالي من الشبه لما انتي قلتي
يعني مش سارق الفكرة والله
:)
زى الهوا
كل سنة وانتي طيبة وشكرا جدا لمرورك
بس انا مش قاصد اعملها علشان عيد الام
يعني جت صدفة
فعلشان كده ماحولتش امدح في الام اكتر يعني
تحياتي
:)
رئيس جمهوريه نفسى
فرحان جدا جدا بجد اني شايف تعليقك عندي
وربنا يخليك والله رأيك مهم جدا بالنسبة ليا
واشكرك جدا لاثارتك موضوع الخط لانه فعلا عاجبني
تحياتي ليك ولذوقك العالي
:)
البوست جميل
بس انا مش فاهمه حاجة مممممممم
بس ان شاء الله هافهم
ازاى زي امى يعنى ؟؟
....سمسمه
انا اللي مش فاهم
انتي مش فاهمة ايه ؟؟
Post a Comment