لكي كتبت واليكي انتهيت
وضاعت رسالتي في عميق الماء
والان أبعث آخر الرسالات
فتناثرت برحيلك الحروف وتاهت الكلمات
وعذرا يا من صادفني بكم حبها
فمهما طالت الحكايات
لابد لها من نهايات
ولكم مني ارقي التحيات
Subscribe to:
Post Comments (Atom)
About Me
- MONDAHESH
- Cairo, Egypt, Egypt
- كان أولى بيا النوم..لكني صحيت..مشغول بجرح بيسري في روحي..جربت أضحك عالليالي بكيت..ماقدرتش أعلى فيوم علي جروحي..سكت الكلام في القلب..ماقلتوش
My Blog List
-
-
-
-
-
وبعد سنتين قررت اهرب من عالم المجانين11 years ago
-
-
-
انا اتشليت يا اخونا12 years ago
-
-
شىء ملموس13 years ago
-
كريم بغدادي........و أنغام مرة تانية13 years ago
-
-
-
-
-
-
visitors
Facebook Badge
Site Feed
Atom Feed (xml)Credits
site design by:
free blogger skins
free blogger skins
32 comments:
و لك منى انا ايضا أرق التحيات
اه صحيح انت أزيك أيه اخبارك بقالك مدة كنت غايب
ربنا يستر ... ومتكونشى القصيده دية نهاية الحب اللى كنت بتحكى عنه
فى القصائد السابقه
تحياتى لك
وانتهت الحكايه
بصراحة دي اخر حاجة هكتبها
بس مش اخر بوست
فاضل بوست الاستقالة من التدوين
تحياتي ليكم كلكم
انتوا اللي صادفني بيكم حبها
تحياتي لكل من اسعدني باي تعليق ولو كان بهجوم عليا او اللي بكتبه
علي مدار ما يقارب من عام
وزي ما قلت
لكل البدايات نهايات
تحياتي
ايه الكلام الغريب دا يامحامى !انت بتفكر تسيب التدوين ليه ؟؟؟؟؟؟؟؟؟
قلنا بس مين مدايقك وايه المشكله وانا نفكر معاك وا نعملك مظاهرة حب زى اللى عملناها لعاليا عشان تعرفك معزتك عندنا عموما اتمنى اكون فهمت غلط ولو كنت فهمت صح ارجو معرفة السبب يامحامى !!!!
مندهش موضوع الأعتزال ده اكيد تخاريف اندهاشية من أثراندهاشك مش كده ؟ حترجع يا على بلاش كلام فارغ بأه أنت الى كنت بتقوينى و واقف جنبى تعمل كده طب حد زعلك ؟ حد ضايقك ؟ قلى و أنا و حليم نلم فتوات عتر كده و نهجملك عليهم
على حترجع يا على ما فيش حاجة أسمها بوست وداع حترجع يا على
على فكرة يا على انت بتهرج وعاوز تنضرب
ايه اللى انت بتقوله دا بجد زعلت منك جدا لم قولتلى الكلام دا على المسنجر
ياريت يكون مش حقيقى ونوف بوست جامد من البوستات بتاعتك والله بجد بستمتع لما بدخل البلوج بتاعك ياعلى
والله لو مش رجعت عن الموضوع دا هضربك اول ما اشوفك
و أنا مع صاصا و حمسكلها العصاية اول ما تنوى
انت فين يا ولا يا على
انت ياعم المحامى نصف كم انت
ارجع يا اما هخلى لعنه الفراعنه وانت عارف بقى ايه اللى بيحصل لما صاصا بيتجنن
وعليا كمان اهى انضمت للحزب اللى هيضربك لو مش رجعت عن الكلام دا
جرى أيه يا على ما تجمد كده امال أيه الى ضايقك فى التدوين بس ؟ احنا هلاص اتعودنا على مدونتك و حبناها و حبينا شعرك الحلو البسيط الى فى نفس الوقت معبر طب نتناقش لكن تاخد القرار كده من غير ما نعرف
هاتى يا صاصة لعنة الفراعنة و تعالى يلا ده عايز يخدلوه درس يوفقه
كلنا عاوزينك يامحامى لا تعتزل كلنا معك ............مفتقدينك
طيب ممكن نتناقش معاك فى اسباب تركك للتدوين ............
أى مشكله فى الدنيا ليها حل بس خساره تسيب العالم الجميل دا اللى بيخفف عنا مشاكل الحياه بذمتك مش حتفتقدنا وتفتقد تعليقاتنا
بالروح بالد نفديك يا منهدش بالروح بالدم حتنخلى مدونتك يا ندهش
زميلى العزيز فى مهنه المحاماه ورفيقى فى درب التدوين
فكرت مره اعملها الى رجعنى بجد انى بقيت مش برتاح غير هنا ببقاء حر هنا على بلوجى ووسط بلوجات الناس الى حبيتهم وحبونى رغم انى مشفتش حد منهم قبل كده بس شفت روحهم بتحوم حوالين الكلمات الى كتبوها
على تبعثرت الكلمات عادى جمعها تانى اكتب من جديد خد راحه وارجع تانى لبلوج بتاعك ولحبايبك وليه
للاسف انت فى عالم لا تستطيع ان تنسحب منه و اذا كنت لا تستطيع ان تقدر
معنى كلماتك فأعلم ان غيرك استطاع
شفت ؟ اهه الريس بنفسه جالك أهوه أعمله اعتبار باه مادام احنا مش ماليين عينك :))))))))))
عاليا حليم
نبضات
§a§a
رئيس جمهورية نفسي
Selfmeaning
بشكركم بجد علي الروح الجميلة دي
وصدقوني انا بحبكم جدا جدا جدا وانتوا عندي حاجة غالية قوي
والتدوين ده بالنسبة ليا حياة
بس انا بمر بظروف نفسية صعبة جدا
وخليتني اعتزلت حاجات كتير
مش التدوين بس
صدقوني موضوع اني اسيب التدوين ده غصب عني فعلا
او مجرد ان تيجي الفكرة علي بالي
لاني اكتر حاجة كانت بتزعجني هو ان حد يبطل يدون بعد ما يستمر لفترات ولو قصيرة في التدوين
لكن انا حاليا في حالة مش عارف خالص اعبر عنها
ولا اني اترجمها او اعبر عنها بأي خواطر
ولاول مرة بتحط في الموقف ده
اني ابقي عاجز عن وصف احساس جوايا
صدقوني الموضوع ده غصب عني
واتمني انها تكون فترة قصيرة
وان شاء الله اوعدكم اني انزل بوست جديد بس ده هيكون اخر حاجة كنت كاتبها قبل ما ادخل في الحالة اللي انا فيها دلوقتي
وبعتذر اني كنت مابردش الفترة اللي فاتت علي الكومنتات بتاعتكوا لاني كنت مشغول فعلا في الشغل وكنت مسافر الغردقة في شغل برده
وكانت فترة صعبة عليا قوي بجد لاني كنت متعود اعدي علي المدونة كل يوم بس فعلا حسيت ان من جوايا مش هقدر اسيب الحاجة دي لاني ادمنتها خلاص
بس صدقوني انا في مكان مش مختاره بأيدي
ادعولي ربنا يهديني وارجع اكتب اي بتنجان تاني
تحياتي ليكم كلكم
عاليا حليم
انا بجد مش لاقي كلام اعبر بيه عن اللي جوايا
مش عارف اشكرك ازاي علي اهتمامك ده
بس انتي عارفة بقي انتي غالية عندي قد ايه
والله انتي من اعز الناس عندي وبحس فعلا انك اختي الكبيرة
تحياتي ليكي ولحليم
نبضات
اشكرك كتيييييييييير علي اهتمامك وشعورك الجميل ده ووقفة الجامدة دي
واشكر عاليا جدا انها عرفتنا بانسانة جميلة كده زيك
تحياتي ليكي
§a§a
لا تقلق يا صديقي العزيز
ايام وهتعدي
وان شاء الله بكرة احسن من انهاردة
رئيس جمهوريه نفسى
زميل مهنتي المقدسة
صدقني غصب عني
انا شرحت اني في حالة اول مرة امر بيها ومش عارف اوصل لنتيجة
وان شاء الله مش هقدر ابعد عن التدوين
بشكرك علي اهتمامك واوعدك
هحاول اجمع الكلمات من تاني
تحياتي
Selfmeaning
بجد احرجتيني بكلامك
شكرا لسؤالك وارجو ماتكونيش زعلانة مني عامة
اصلي سمعت انك واخدة موقف
تحياتي
سبحان الله يا على
انا اعتزلت كل حاجة
غير بوجى
مقتدرتش انى ابعد لانه
دا الوحيد اللى بعرف اكتب فيه اللى
بحسه
ياريت انت كمان متبعدتش بس تاخد
وقتك فى التفكير و حدد موقفك
و ترجع لينا تانى
و ربنا معاك
ههههههههههههه
يا اهلا و سهلا بعودة البتنجان
ايوة كده فرحنى يا ساتر عليك ؟ قال تعتزل قال ، روق كده و كل حاجة حتعدل ان شاء الله انت انسان مؤمن خلى عندك ثقة فى الله ، مستنين البوست الجديد يا متر
Selfmeaning
انا والله مش بمزاجي الموضوع ده
انا بس بمر بحالة نفسية صعبة
حتي مش قادر اوصفها كتابة
وحاسس اني مش عارف اطلع اي حاجة من جوايا
بس انا برده زعلان منك
عاليا حليم
هههههههههههههه
عجبتك قوي حكاية البتنجان دي
والله هحاول بكل ما أوتيت من قوة اني استمر
بس البوست اللي جاي هيكون حاجة كاتبها من فترة
لاني حاليا متوقف عن الكتابة تماما
انا سعيده جدا برجوعك عن قرارك بجد كنا.. حنفتقدك.... يامحامى
اكتب على أقل.. أقل .. من مهلك بس متسبناش . وقلوبنا معك فى الظروف الحاليه عندك أن شاءالله كل حاجه حتبقى تمام . وشكرا على كلماتك الرقيقه والله انت اللى شخصيه جميله واستمتعت بحديثى معك يوم فطار الساقيه
مبروووووووووووووووك الرجوع
فى انتظار البوست الجديد يامحامى
تحياتى لك
ليه كدا بس
أنا مش عارف ليه هتبطل تكتب
ياريت تفكر تاني
خد أجازة وأبعد شوية
بس ياريت تسيب الباب موارب
يعني بلاش تشيل المدونة وخليها موجودة عشان لما تحب ترجعلها
وياريت ترجعلها قريب
تحياتي
نبضات
شكرا لاهتمامك وانا كمان استمتعت يوم الفطار بتاع الساقية جدا جدا
ان شاء الله هنزل البوست قريب بس حاجة كنت كاتبها زمان
تحياتي
The Alien
انا مش هقفل المدونة خالص
بس بالنسبة للكتابة فانا لغاية دلوقتي لسه في حالة غريبة عليا ومش عارف اخرج منها ولا اعبر عنها
تحياتي
تسلم ايدك يا على وربنا يوفقك
بجد يا على انت هايل مووت وكلامك حساس اوى انت كنت مخبى كل دة فين
Post a Comment