المرة دي حاجة جديدة جدا
وانا رايح اسكندرية كان واخدني احساس عالي قوي
وكتبت حبة كلام وانا رايح
وانا راجع بقي كان واخدني احساس تاني خالص
وطلعته في حبة كلام برده
دي في طريقي للاسكندرية
(عامية)
ياللي عليكي العين .......بحبك
ياللي باقيلي عليكي خطوتين .......بحبك
ياللي هواكي وبحرك عليا دول غاليين.
ياللي عينيا وقلبي فيكي دابوا من الحنين
ياللي بعيش وياكي الضحكة ضحكتين
والدمعة فيكي بتتنسي وحزن السنين
دي بقي وانا راجع
(فصحي)
1
بينك وبيني تزداد المسافات
وفي كل خطوة اخطوها آه وآهات
وشروق الشمس اراه في عيني غروب
وطريق الفراق بداية بلا نهايات
2
الناس من حولي يقتلهم النوم
وقلبي يعاتبني ويلقيني باللوم
اما بامكانك لتبقي ولو يوم
3
بحبك انا متيم يا مدينة
وفي بعدي عنكي حزين وحزينة
القلب والعين ودمعتي المسكينة
4
لنبقي علي عهد لقاء جديد
وفيه نحاكي وفيه نعيد
من الذكريات القديم والجديد
Atom Feed (xml)
12 comments:
ليك حق يا على
اسكندرية فعلا مدينة ساحرة
محدش بيحب يمشى منها
مع انى لحد الآن مش زرت اسكندرية
بس من كلام الناس عنها باين انها روعة
أدعولى اروح :)
رائع يا على ما شاء الله
يا بختك يا على انا كان نفسى اروح الاسكندريه السنه دى زيارة مصيف بس للاسف رحتها شغل ممرتين ولم استمتع بها
اتمنى انى اروحها ادعيلى بقى
والبوست جامد جدا
nice blog
the design is very good
greating
visit me
mazaag.blogspot.com
ايه يا ابنى الكلام الى حيخلينى ادمع ده حرام عليك انت مش عارف انا قد ايه بحب اسكنرية و متشوقلها وانا بعيدة عنها و محرومة منها ؟ الله يسامحك :)
توحفه يابني والله
البلد دي فعلن غريبه
يكتب فيها معلقات بجد
بس احساك لذيذ جدن
عودن احمد
ويارب تكون اتبسطت وغيرت جو
كل سنه وانت طيب ورمضان كريم
تحياتي
Selfmeaning
منورة المدونة بجد
اما اسكندرية بقي فمش محتاجة كلاااااااام
....سمسمه
ازاي ماروحتيش لحد دلوقتي
لالالا مش هينفع كده
§a§a
والله يا صاصا شغل او زيارة او مصيف
اسكندرية هي اسكندرية
حزيــــــــــــــــــن
شكرا لمرورك
عاليا حليم
معلش بقي سامحيني
بس والله كنتي في بالي وانا بكتب البوست ده
one true thing
وانتي طيبة
الحمدلله
كانوا يومين جامدين طبعا
Post a Comment