الزمان : الجمعة الموافق 27/7/2007
المكان : قاعة الحكمة بساقية عبد المنعم الصاوي
الحدث : حفلة فرقة ايامنا الحلوة
طبعا وينكي هي اللي كانت مسئولة عن الدعاية والاعلان للحفلة بالنسبة للبلوجرز
وطبعا هي ماجتش اصلا 
المهم
اتقابلنا انا وصاصا صاحب مدونة حكايات زمان
ورحنا علي ساقية عبد المنعم الصاوي
و اول ما وصلنا فضلنا ندور يمين وشمال
مافيش اي تجمعات
طبعا كنا فاكرين ان في اعداد جاية الحفلة
علي اساس الدعاية اللي وينكي عملتها للحفلة
مافيش خاااااااااالص
قلت لصاصا اكيد دخلوا القاعة
قالي يللا طيب ندخل
رحت انا اجيب التذاكر
ورب صفة نافعة
سمعت ناس بتتكلم عن ارقام للكراسي
طبعا انا وصاصا اول مرة نروح اصلا الساقية
المهم ان الشك لعب لعبته
انا : صاصا احنا لو جيبنا التذاكر ودخلنا اكيد مش هنقعد جنب المدونين
صاصا : ده اكيد
انا :طيب هنعمل ايه يا صاصا؟؟
صاصا : انا مش معايا ارقام حد
انا : ولا انا
(شكلنا وحش قوي)
انا : طيب نعمل ايه يا صاصا ؟؟
صاصا : ااااااااااااه افتكرت
انا : ايه؟؟
صاصا : معايا رقم ابراهيم معايا صاحب مدونةانا وانا
انا : نتصل بيه وناخد منه رقم علي الالفي
المهم توصلنا لرقم علي الالفي
واتصلنا بيه لقيناه جوة القاعة مستني بس الصدمة انه بيسألنا معاكوا مين من المدونين
صاصا قاله مش معانا حد خالص
علي قاله طيب ادخلوا هتلاقوني جوة
دخلنا القاعة ولقينا علي الالفي جوة وبلا اي من المدونين
المهم بقي قعدنا وكانت الحفلة تحفة
جامدة جدا جدا جدا جدا جدا
والاصوات كلها رائعة
واجمل ما فيها لحن ابعد بقلبك بتاع علي الالفي
وطبعا صاصا حاطط كتير جدا من الاغاني اللي كانت في الحفلة علي المدونة بتاعته
حكايات زمان
وبرده من اجمل الحاجات اللي كانت في الحفلة لما علي طلع غني ابعد بقلبك مع شريف
كان دويتو رااااااااااااائع
وبعد ما الحفلة خلصت لقينا
كان موجود بس كان واقف بعيد
بس عن جد كان يوم رائع والحفلة ابهرتني جدا
وعلي الالفي كمان فناااااااااااان جامد جدا
Atom Feed (xml)
10 comments:
أنا كمان إتبسطت جدا ف الحفلة
وعجبتني غنوة علي جدا
وإتبسطت كمان لما قابلتك
وأتمني نتقابل دايما
تحياتي
بجد حفله جامدة جدا وخسارة للى مش راحها
ما اتحرمش منك يا لولو يا ابو الاندهاش كلله
The Alien
انا والله مبسوط اني شفتك
وياريت نتقابل دايما
ياريت
§a§a
فعلا يا صاصا الحفلة كانت جامدة جدا
علي الالفي
دي اقل حاجة ممكن نعملها
لان فعلا الحفلة كانت رائعة
واللحن بتاعك اروع
وانت انسان تستاهل كل خير
وفنان جامد جدا
ميرسي جدا يا عم على على التشريد دا كله
طب انا كان غصب عنى انى ماقدرتش اجى
وفى نفس الوقت وعدت على الألفى انى هانزل الاعلان على المدونه عندى
وبعد كده الكل بيرجع يلومنى؟؟؟؟
طب كنت أعمل ايه يعنى
:((
وينكي
والله مش قصدي ازعلك
انا بس كنت بحكي اللي حصل يعني
انا شفت الحاجات دى عند صاصا
شكل الحفله كانت جامده بجد
المهم انكوا انبسطتوا
:d
catroz
فعلا الحفلة كانت جميلة جدا
كانت نقصاكي
:)
Post a Comment